Најбогатиот Французин стана уште побогат

Шефот на францускиот концерн за производство на луксузна роба LVMH, Бернард Арно, најбогатиот Французин, минатата недела го зголеми своето богатство за осум милијарди долари, по растот на цените на акциите, пренесува Форбс.

Пандемијата од коронавирусот го уништи светскиот пазар на луксузни стоки, но минатата недела конгломератот „Луј Витон“ објави знаци на закрепнување во таа активност, така што во периодот од 15 до 22 октомври, вредноста на акциите на концернот се зголеми за шест проценти, пренесува Б92.

Резултатот е зголемување на богатството на Арно за осум милијарди долари, на вкупно 122 милијарди. Форбс забележува дека овие промени не значат дека ситуацијата во компанијата се сменила на подобро.

Луи Витон, кој е сопственик на брендовите како Булгари, Герлијан и Дом Перињон, рече дека падот на профитот е 21 процент во првите девет месеци од оваа година.