Корејскиот производител „Kia“ неодамна лансираше неколку нови модели на пазарот, вклучувајќи ги теренецот „Telluride“, седанот „K5“, како и кросоверите „Seltos“ и „Sorento“. Сепак, тие се само дел од планот на извршниот директор на компанијата Хо Сунг Сон, кој тој самиот го нарекува „Plan S“.
Новата стратегија ќе биде официјално претставена на почетокот на следната година. Во „Plan S“, буквата „S“ значи „Shift“, што во превод значи „префрлување“. Сон сака брендот да стане „подинамичен, стилски и поразновиден“, фокусирајќи се главно на електрични автомобили. Компанијата планира да лансира најмалку 11 нови енергетски модели, кои ќе чинат 25 милијарди долари.
„Во процесот на рестартирање на нашиот бренд, ќе се обидеме да добиеме нова целна публика“, рече Хо Сунг Сон.
Електричните автомобили на „Kia“ ќе бидат изградени на новата модуларна платформа „Electric-Global“ (E-GMP), која ќе биде прифатлива. Планот е дека во 2025-та година околу 20% од глобалната продажба на брендот ќе падне на електрични возила.
Дел од „Plan S“ е и промената на логото, кое компанијата прво го покажа заедно со концептниот модел „Imagine“ во 2019-та година. Од јануари 2021-ва година, таа ќе биде инсталирана во сите сериски автомобили на марката. Во него ќе се користат букви, како и досега, но тие ќе имаат модерен изглед. Трите букви се поврзани една со друга, а овалот околу нив исчезна.
