Германската влада ќе ја ревидира нагоре прогнозата за раст на БДП-то за 2020-та година, објави „Reuters“.
Владата сега очекува БДП-то да се намали за 5,5% во 2020-та година, во споредба со претходната прогноза за пад од 5,8%, рече изворот.
Ова значи дека рецесијата предизвикана од пандемијата на коронавирусот ќе биде малку поблага од загубата на производството предизвикано од светската финансиска криза во 2009-та година, кога БДП-то падна за рекордни 5,7%.
Министерството за економија одби да даде коментар и рече дека министерот за економија Питер Алтмајер ќе ја претстави ажурираната прогноза во среда.
Германската економија се намали за 9,7% во вториот квартал, бидејќи трошењето на домаќинствата, корпоративните инвестиции и трговијата пропаднаа среде пандемијата.
Олеснувањето на антивирусните мерки, комбинирано со невиден пакет спасувачки и стимулативни пакети, доведе до стабилно закрепнување во третиот квартал.
Но, растот на нови случаи на заболени со Ковид-19 предизвика загриженост дека активноста може повторно да забави, а индексот на деловната клима падна за прв пат во последните пет месеци во октомври.
За 2021-ва година, владата сè уште се држи до претходната прогноза за раст на БДП-то од 4,4%, рече изворот.
