Загадувањето на воздухот ја чини Европа 166 милијарди евра годишно, се вели во извештајот објавен во средата, во кој се испитуваат трошоците за предвремена смрт, болест и изгубени работни денови поради загадувањето во 432 европски градови.
Извештајот, подготвен од „CE Delft“ за Европската алијанса за јавно здравје (EPHA), невладина платформа со седиште во Брисел, проучува 432 градови во 27 земји од Европската унија, Велика Британија, Норвешка и Швајцарија.
Студијата споредува три главни ефекти врз загадувањето на воздухот – честичките, јаглерод диоксид и озонот, како и нивните трошоци поврзани со третман, намален животен век или болести како што е тежок хроничен бронхитис и слично.
Лондон води во градовите со најголеми трошоци поврзани со загадувањето (11,4 милијарди евра), пред Букурешт и Берлин, додека Париз е на седмото место.
„Нашето истражување открива колку штетниот воздух е штетен за здравјето, но исто така и колку значителни нееднаквости постојат меѓу различните европски земји“, коментира главниот портпарол на „EPHA“, Саша Маршанг, кој додаде дека „политиките за јавен транспорт можат да ја подобрат ситуацијата и градовите да ги намалат трошоците“, поттикнување на мобилност што не ја загадува животната средина.
Загадувањето на воздухот во градовите е последица на неколку ефекти – транспорт, греење на домови или дури и индустриски или земјоделски активности. Иако е тешко точно да се процени учеството на секој од овие сектори, извештајот се однесуваше на превозот и процени дека зголемувањето на бројот на автомобили во градовите за само еден процент ги зголемува социјалните трошоци за скоро 0,5 проценти.
„Треба да се обидеме да преминеме на помалку загадувачки транспорт – пешачење, возење велосипед и електрични возила“, додаде Маршанг.
Загадувањето на воздухот е одговорно за 480.000 предвремени смртни случаи во Европа, според Европската агенција за животна средина (ЕЕА), а тие бројки може да бидат само поголеми.
