По повеќе од една година размислување „Bentley“ дефинитивно потврди дека на купувачите ќе им понуди СУВ модел. Се предвидува автомобилот да се појави во продажба во 2016-та година.
„Bentley“ во март 2012-та година кога на саемот во Женева го претстави концептот „EXP 9F“ започна со истражување на пазарот и што нивните постојани клиенти мислат за можниот СУВ модел. Па според собраните информации донесена е конечната одлука да се стартува со сериско прозиводство.
Иако претходно се говореше дека овој автомобил ќе се изработува во фабриката на Фолксваген во Братислава, сега е потврдено дека возилото ќе се прави во нивните погони во Англија.
Компанијата соопшти дека за овој погон ќе инвестира дополнителни 800 милиони фунти. Парите покрај за развојот и производството на СУВ моделот ќе бидат употребени и за некои од идните автомобили на овој производител.