Бројот на барања за надоместоци за невработеност во САД скокна повторно во минатата недела, достигнувајќи го највисокото ниво од средината на август, пренесува „CNBC“.
Американските работници продолжија да се приклучуваат во редовите на невработените во минатата недела, со доставени 898.000 нови апликации за државна помош за невработените, што е значително повеќе од 830.000 што ги предвидоа економистите во анкетата на „Dow Jones“.
Вкупниот број поднесени барања во неделата што заврши на 10-ти октомври, е најголем од 22-ри август и уште еден знак дека пазарот на трудот сè уште се бори да се врати на нивото пред пандемијата на коронавирусот, според оваа телевизија.
Бројката од минатата недела беше за 53.000 апликанти повисока од претходната недела, за што податоците беа исто така ревидирани нагоре, до вкупно 845.000 поднесени апликации.
Стапката на невработеност во Соединетите држави, според официјалните показатели, падна на 7,9 проценти, но сепак е повеќе од двојно од нивото пред пандемијата.
Коментари