Кафето е едно од најпопуларните пијалоци во светот. Ако сте негов љубител можеби ќе ви биде интересно да видите кои се 10-те најскапи видови на кафе во светот:
10. Coffee Yauco Selecto AA (Порто Рико) – 24 долари за 450 грама
Се произведува во регионот Јауко. Има мек мирис и пријатен вкус.
9. Starbucks Rwanda Blue Bourbon (Руанда) – 24 долари за 450 грама
Доаѓаат од регионите Гатаре и Каренгара во Руанда.
8. Hawaiian Kona Coffee (Хаваи) – 34 долари за 450 грама
Расте во регионот Мауна Лоа на ридовите Конан на Хавајските острови.
7. Los Planes (Ел Салвадор) – 40 долари за 450 грама
Се одгледува во Ситала, Ел Салвадор. Во 2006-та година ја освои втората награда на меѓународните награди „Cup of Excellence“.
6. Blue Mountain (Wallenford Estate, Јамајка) – 49 долари за 450 грама
Познато е по тоа што не е горчливо. Тоа доби популарност во последните 10 години. Околу 80 проценти од производството се извезува за Јапонија.
5. Fazenda Santa Ines (Бразил) – 50 долари за 450 грама
Расте во регионот Минас Гериаз. Кај него нема автоматизиран процес – се е рачно, на традиционален начин. На вкус потсетува на карамела.
4. El Injerto (Гватемала) – 50 долари за 450 грама.
Во 2006-та година ја освои првата награда на „Cup of Excellence“.
3. St. Helena Coffee Company’s Island (Сент Елена) – 79 долари за 450 грама
Расте на островот Сент Елена. Својата популарност најмногу ја должи на Наполеон Бонапарта, кој многу го сакал.
2. Hacienda La Esmeralda (Панама) – 104 долари за 450 грама
Се одгледува во областа Бокете во Панама. Расте под сенките на старите дрвја гуава.
1. Luwak Coffee (Индонезија) – 160 долари за 450 грама
Да, тоа е злогласеното кафе кое прво поминува низ дигестивниот систем на локалниот вид ласици. Очигледно луѓето се подготвени да платат по 160 долари за пакување од 450 грама кафе, што е изедено од ласица.