Италијанската влада деблокираше 15.7 од најавените 20 милијарди евра за да ги плати долговите на државата кон приватните фирми.
Италија во март оваа година најави дека оваа и следната година на двапати ќе го врати долгот од 40 милијарди евра кој го има државата кон италијанските приватни компании, а тоа го потврди и министерот за економија Фабрицио Сакомани.
Според податоците на синдикатот „CGIA“ државата на приватниците им должи околу 120 милијарди евра.
Плаќањето на долгот кон приватниците е едно од главните барања на италијанската индустриска асоцијација „Конфиндустрија“, која смета дека тоа ќе помогне да се намали рецесијата.