Германските извозници закрепнуваат подобро од очекуваното по падот предизвикан од пандемијата. Нивниот извоз се зголеми во август четврти месец по ред, што е за 2,4% повеќе во однос на претходниот месец, објави Федералниот завод за статистика.
Економистите анкетирани од „Reuters“ очекуваа раст од само 1,4 проценти. Сепак, моментумот забавува: во јули беше забележано зголемување од 4,7 проценти, во јуни 14,9 проценти и во мај 9,0 проценти.
Поради рецесијата предизвикана од пандемијата кај многу важни трговски партнери, извозот остана далеку под нивото од претходната година.
Од јануари до август германските компании извезувале стоки и услуги во вредност од 770,3 милијарди евра – 12,7% помалку отколку во истиот период од минатата година. Федерацијата на германски индустрии (BDI) проценува дека ќе има целосен пад од 13% за целата 2020-та година.
Увозот се зголемил за 5,8% во споредба со претходниот месец, што укажува на пораст на локалната економија. Економистите очекуваа раст од само 1,4 проценти. Во јули, увозот се зголеми за само 1,1 процент.
Коментари