По драстичниот пад од 9 милиони барели дневно во 2020-та година, побарувачката на нафта ќе започне да се опоравува следната година и може да достигне ниво пред кризата од 99,8 милиони барели дневно во 2022-ра година.
Ова го предвидува Организацијата на земјите извознички на нафта (ОПЕК) во својот годишен извештај, објавен денес и цитиран од медиумите.
Светската потрошувачка на нафта во 2019-та година беше 99,7 милиони барели дневно. Оваа година побарувачката падна за 9 милиони барели дневно поради мерките за борба против коронавирусот.
„Побарувачката се очекува да се зголеми за 7 милиони барели на ден на 97,7 милиони барели на ден во 2021-ва година. Ова значи дека следната година сепак ќе биде 2 милиони барели на ден под нивото од 2019-та година и со 4,3 милиони барели на ден помалку отколку што предвидувавме пред една година“, напишаа експертите на „ОПЕК“ во извештајот.
Коментари