Според податоците кои ги објави Македонскта берза за периодот 01.09 – 30.09.2020 година вкупниот промет изнесувал 408.423.818 денари и е зголемен за 25,08 отсто во однос на претходниот месец.
Класичното тргување изнесувало 385.467.468 денари и е зголемено во однос на август за 89,15 отсто кога изнесувало 203.789.308 денари. Во класичното тргување истргувани се акции во вредност од 383.308.997 денари и обврзници во вредност од 2.158.471 денари.
Блок трансакциите во септември изнесувале 22.956.350 денари и се намалени за 81,30 отсто во однос на август.
Бројот на трансакции во септември изнесувал 1.742 и е зголемен за 101,39 отсто во однос на август кога изнесувал 865.
Најтргувани акции на официјалниот пазар за септември се на Комерцијална Банка АД Скопје, следи Алкалоид АД Скопје и третото место го зазема Макпетрол АД Скопје.
Месечниот статистички билтен за септември 2020 година можете да го погледнете тука.
