Во петокот, како што велат во Високиот суд во Белград, пристигнало барање од САД за екстрадиција на 11 обвинети за дигитална измама, сите со престојувалиште во Ниш. Сослушувањето веќе било закажано за понеделник, но било одложено за да можат адвокатите на одбраната да се запознаат и да се подготват со барањата од добиениот допис.
Долго време трае дилемата дали жителите на Ниш уапсени под сомнение дека преку измама на интернет заработиле 70 милиони долари, можат да бидат екстрадирани во САД и да им се суди таму, пишува Јужне вести.
Да потсетиме, група млади луѓе, вклучително и државјани на Црна Гора, Филипини и Австрија, сите со престој во Ниш, беа уапсени на крајот на јули.
Тие се товарат за кривично дело измама, кои преку измами на интернет заработиле 70 милиони долари. Меѓу измамените бил и еден граѓанин од Тексас, па во целиот случај се вмешало и американското судство и ФБИ, кои асистирале во акцијата за апсење.
На уапсените сега им се заканува екстрадиција во САД, каде би се одвивал целиот процес, а според адвокатите, нивните човекови права би биле загрозени во Америка и затоа е барањето да им се суди во Србија.
Коментари