Групацијата Volkswagen наводно би сакала да се ослободи од производителот на луксузни спортски автомобили Bugatti, а како можен купувач, со кого наводно преговорите веќе отишле многу далеку, се споменува хрватската компанија – Rimac Automobili , пренесува poslovni.hr.
Оваа ексклузивна информација ја напиша британскиот портал „Car magazine“. Тие пишуваат дека Bugatti би можел да биде префрлен во скутот на Rimac преку Porsche, кој е истовремено и дел од групацијата Volkswagen и косопственик на Rimac Automobili.
Извори на британскиот портал велат дека раководството на Volkswagen ја потврдило оваа трансакција минатата недела, но дека сè уште чекаат потврда од надзорниот одбор на групацијата VW. Autonet известува дека со истиот потег, Porsche би зел поголем удел во Rimac Automobili од оној што сега го поседува, што е 15,5 проценти. Потсетуваме, во 2018 година Porsche ги презеде иницијалните 10 проценти од компанијата Rimac, а минатата година тие го зголемија сопственичкиот удел за дополнителни 5,5 проценти.
Bugatti во моментов е во поделена сопственост, бидејќи семејството на основачот на Bugatti Фердинанд Пиех сè уште има 50% од контролниот удел. Сепак, нивната близина со Porsche може да утврди дека тие исто така се согласуваат да ја продадат компанијата, односно да ја преместат „под капа на хрватската компанија“.
