Соединетите Американски Држави би можеле да станат следна Шпанија или Грција во смисла на финансискиот колапс, смета милијардерот Доналд Трамп.
Трамп: Америка е следната Грција
Според неговото мислење, Америка повеќе не е богата држава.
„Кога не си богат мораш да позајмуваш пари. Ние позајмуваме пари од Кинезите и од други. Имаме 16 трилиони долари долг“, рече Трамп во гостувањето на телевизијата Фокс.
Трамп додаде дека долгот од 16 трилиони долари наскоро ќе се зголеми и ќе дојде до пад на рејтингот.
„Кога ќе имате долг од 21-22 трилиони долари доаѓа до колапс, без оглед колку ги кратите трошоците“, објасни Трамп.
Милијардерот рече дека на Америка не и оди добро и дека можеби рецесијата е „благ збор“ за тоа што се случува, мислејќи на состојбата во која се наоѓа земјата.
Невработеноста која е помеѓу 15 и 16 проценти, падот на кредитните способности и зголемувањето на долгот создаваат мрачна слика за Америка.