19 април, 2024
ПочетнаЕКОНОМИЈАДржавната поддршка дава вештачки поттик за трошоците за работна сила во еврозоната

Државната поддршка дава вештачки поттик за трошоците за работна сила во еврозоната

Трошоците за работна сила во еврозоната се зголемија во вториот квартал во услови на блокадите поради коронавирусот, што доведе до затворање на големи делови од економијата и намалување на работното време, пишува „Bloomberg“.

Губењето на работните часови не е комбинирано со кратењето на платите бидејќи компаниите продолжија да исплаќаат плати на своите вработени благодарение на програмите за субвенционирање од владите.

Според „Евростат“, државната поддршка ги зголеми трошоците за плати на час за 5,2 проценти на годишно ниво, што е двојно поголема од просечната стапка на раст во 2019-та година.

Во исто време, вкупните трошоци за работна сила се зголемија за 4,2%, според заводот за статистика на Европската унија (ЕУ).

Компаниите исто така ограничија вработување на нови вработени во вториот квартал. Уделот на слободни работни места во еврозоната падна на 1,6 проценти од 1,9%, имајќи ја предвид најниската вредност од 2016-та година.

Стапката на невработеност во еврозоната достигна 7,9% во јули, а се очекува да се искачи на 9,4 проценти до крајот на оваа година. Сепак, тоа не ја одразува правилно состојбата на пазарот на трудот, имајќи предвид дека многу земји продолжуваат да ги спроведуваат своите програми за заштита на работниците.

НАЈНОВИ ВЕСТИ

ХОРОСКОП