Хрватскиот туристички сектор беше добро подготвен за вонредната состојба, кој се најде како една од најпогодените индустрии од пандемијата.
И покрај најлошото сценарио дека туристичкиот промет во Хрватска ќе падне за над 75 проценти поради пандемијата од Ковид-19, водечките луѓе на хрватскиот туризам изјавија дека туризмот се покажа како еластична индустрија, така што е остварено околу 50% од минатогодишниот туристички промет, пренесува Анадолија.
Презентирајќи ја состојбата на туризмот од почетокот на годината, хрватската министерка за туризам и спорт, Николина Брњац рече дека хрватскиот туристички сектор бил добро подготвен за вонредната состојба во која туризмот беше една од најпогодените индустрии.
Таа изјави дека во споредба со периодот од јануари до август минатата година, Хрватска годинава оствари 41 процент пристигнувања и 53 проценти ноќевањата во екот на пандемијата од Ковид-19.
Од јануари до август годинава се реализирани 6,8 милиони пристигнувања и 47,5 милиони туристички ноќевања, што е 41 и 53 проценти од остварениот промет во Хрватска во 2019 година, која беше рекордна туристичка година за Хрватска.
Коментари