„Златното млеко“ е одличен, вкусен и неверојатно здрав напиток кој е особено погоден за консумирање во вечерните часови, а придобивките се извонредни!
Главна состојка во овој рецепт е куркумата. Таа содржи куркумин, полифенол идентификуван како главна активна состојка која е присутна во повеќе од 150 потенцијални терапевтски активности, а тука се вклучени и антиоксидантски, анти-воспалителни и анти-канцерогени својства. Во комбинација со црн пипер, благотворноста на куркуминот значително се зголемува.
Дополнителни предности:
– Противвоспалително делување, антиоксидант, антисептик, аналгетик
– Го зајакнува имунолошкиот систем
– Анти – канцероген
– Помага во одржувањето на нивото на холестерол
– Го подобрува дигестивното здравје
– Детоксификатор на црниот дроб
– Го регулира на метаболизмот и контрола на телесната тежина
– Помага при висок крвен притисок
– Одличен за подобра меморија и здрав мозок
– Делотворен при разни проблеми со кожата
– Помага при невролошки нарушувања
– Ги намалува триглицеридите
Со додавање на црн пипер во јадења зачинети со куркума се зголемува биорасположивоста на куркуминот за околу 1000 пати, а за тоа е заслужен пиперинот, лутото својство на црниот пипер. Тоа значи дека со мешање на куркума и црн пипер заедно, се зголемува телесната апсорпција на куркумата до 2000 проценти.
Чекор 1: Паста од куркума
Состојки:
– 1/4 чаша куркума во прав
– 1/2 лажичка мелен пипер
– 1/2 чаша филтрирана вода
Подготовка:
Ставете ги сите состојки во мал сад за готвење и добро промешајте. Оганот нека биде со средна јачина и притоа мешајте постојано додека смесата да стане густа. Тоа не трае долго, па затоа не се оддалечувајте од шпоретот. Оставете ја смесата да се олади, а потоа може да ја чувате во мала тегла во фрижидер.
Чекор 2: Златно млеко
Состојки:
– 1 чаша бадемово млеко (млеко од коноп или кокос се исто така добра опција, а ајурведата препорачува и кравјо млеко, но само ако сте во можност да набавите природно домашно кравјо млеко од крава која не е вештачки третирана)
– 1 лажичка масло од кокос
– 1/4 лажичка или повеќе паста од куркума
– мед
Подготовка:
Искомбинирајте ги сите состојки, освен медот, во тенџере за готвење. Ставете го тенџерето на оган со среден интензитет. Додека ја загревате смесата мешајте постојано и не дозволувајте да проврие. Додадете мед по вкус на самиот крај.