Јапонската компанија „Nintendo“ објави скок на профитот од 428% за својот прв фискален квартал, поддржан од континуираната побарувачка за конзолата „Switch“ и хит играта „Animal Crossing: New Horizons“, откако пандемијата на коронавирусот ја засили гејмерската индустрија, пренесува „Reuters“.
Оперативната добивка за април-јуни достигна 144,7 милијарди јени (1,37 милијарди долари). За споредба, просечната прогноза на аналитичарите анкетирани од „Refinitiv SmartEstimate“ беше 71 милијарди јени.
„Nintendo“ се покажа како победник во пандемијата, додека домашните корисници се свртеа кон игри како што е „Animal Crossing“, од која продадоа 10,6 милиони единици во првиот квартал, со што вкупната продажба достигна 22,4 милиони.
Компанијата продаде 5,7 милиони примероци од конзолата „Switch“ во првиот квартал
Компанијата со седиште во Кјото ја одржуваше својата прогноза за продажба на 19 милиони „Switch“ конзоли за време на тековниот финансиски период. Извршниот директор Шунаторо Фурукава претходно изјави дека скокот поради коронавирусот е привремен.
Списокот на планирани нови игри за „Switch“ е невообичаено слаб. Денес, „Nintendo“ објави дека ќе објави подобрена верзија на „Pikmin 3“, која првично беше објавена за претходникот на конзолата „Wii U“.
Сепак, пандемијата влијаеше на другите планови на компанијата. Тематски парк со седиште во Осака на „Universal Studios Japan“ го одложи отворањето на тематскиот дел на „Nintendo“.
