29 март, 2024
ПочетнаЕКОНОМИЈАПолицијата со засилени контроли за продолжениот викенд во Охрид

Полицијата со засилени контроли за продолжениот викенд во Охрид

Засилени полициски контроли за време на продолжениот викенд во Охрид најави полицијата.

Велат ќе се преземат интензивни превентивни и други мерки со цел зачувување на стабилната безбедносна и здравствена состојба.

Полициските службеници најавуваат дека ќе вршат засилени патролни служби во централното градско подрачје, во периферните делови, по плажите и на паркинг-просторите со цел спречување кражби на вредни предмети по крајбрежието или од паркирани автомобили. Контроли (самостојни, но и во соработка со пазарната инспекција) ќе се вршат и во угостителските објекти, а целта е доследна примена на безбедносно-хигиенските мерки за заштита од Ковид-19, но и почитување на одредбите од Законот за угостителство и другите законски одредби.

Во сообраќајот ќе има физичко присуство на полициски службеници кои ќе го регулираат сообраќајот и ќе преземаат мерки за поголема сообраќајна безбедност. Полицијата апелира до граѓаните доследно да ги почитуваат безбедносно-хигиенските мерки, поставената сообраќајна сигнализација, но и да придонесат за стабилна состојба во областа на јавниот ред и мир.

НАЈНОВИ ВЕСТИ

ХОРОСКОП