Бруто домашниот производ на Австрија во вториот квартал падна за 12,8 проценти, објавија во четвртокот економистите од австрискиот институт за економски истражувања (WIFO).
Ова е најголемата забележана стапка на пад на австрискиот БДП по Втората светска војна.
Речиси половина од падот е предизвикан од намалување на активностите во областите на трговија, услуги, транспорт и угостителство.
Постигнати се подобри резултати во телекомуникациите, финансиите и бизнисот со недвижнини.
Економистите очекуваат дека австриската економија оваа година ќе падне за седум проценти, а дека во 2021 година ќе закрепне по стапка од четири проценти.
