Бруто домашниот производ на Германија падна за 10,1 проценти во вториот квартал од годината, објави „Reuters“. Ова е најголемиот пад до денес од објавувањето на детални статистики во 1970-тите.
Главните причини за падот на најголемата економија во Европа помеѓу април и јуни беа контракциите во потрошувачката, инвестициите и извозот за време на пандемијата Ковид-19 и карантинот наметнат за ограничување на ширењето на вирусот.
На годишна основа, економскиот пад е 11,7 проценти. Статистиката е полоша од претходно очекуваната.
Аналитичарите и економистите, анкетирани од „Reuters“, очекуваа БДП-то да се намали за 9% на квартална основа и 11,3% на годишно ниво.
Еврото се намали за малку по објавувањето на податоците и во моментов се тргува со 1,1744 во однос на американскиот долар. Водечкиот германски индекс на акции „DAX 30“ објави пад од нешто повеќе од 2% од почетокот на денешната трговска сесија.
