Вредноста на брендот Netflix во текот на годината порасна за 72 проценти на 26,7 милијарди долари, според новата листа на Forbes на највредни светски брендови, на која на првото место како и минатата година се најде Apple со вредност од 241,2 милијарди долари.
Google е втор со вредност на брендот со 207,5 милијарди долари, а меѓу првите пет во низа се и Microsoft (162,9 милијарди долари), Amazon (135,4 милијарди долари) и Facebook (70,3 милијарди долари).
На списокот на првите десет се наоѓаат и Coca-Cola, Disney, Samsung, Louis Vuitton и McDonald’s.
Минатата година во првите десет беше Toyota, но оваа година, губејќи ја вредноста за седум проценти, го зазеде 11-то место. Louis Vuitton, кој претходно не беше вклучен во првите десет најскапи брендови, поскапе за 20 проценти и го зазеде деветтото место.
Меѓу првите десет брендови по вредност, само Facebook и Samsung изгубија 21, односно пет отсто, додека другите брендови поскапеа.
Netflix за една година порасна за најмногу 72 проценти и се најде на 26-то место.
Значителен раст на вредноста на брендот остварија Chanel (42 проценти), Amazon (40 проценти), Microsoft (30 проценти) и Paypal (24 проценти).
Вкупната вредност на 100-те најскапи брендови е 2,54 трилиони долари. Повеќе од 50 од нив припаѓаат на американски компании, 10 од нив од Германија, девет од Франција, шест од Јапонија, а пет од Швајцарија.
На списокот најзастапени се брендовите од технолошките компании, 20 од нив, а 14 брендови им припаѓаат на компании за финансиски услуги, 11 на автомобилскиот сектор, а осум на секторот продажба.
