Германскиот институт за епидемиологија и санитарен надзор „Роберт Кох“ изрази загриженост поради растот на бројот на случаи на коронавирус во Германија.
„Развојот на ситуацијата поврзана со случаите COVID-19 предизвикува голема загриженост“, на прес-конференција изјави Лотар Вилер, претседател на оваа референтна здравствена установа.
Тој изјави дека се препорачува да се носи заштитна маска и на отворено, ако не е можно физичко растојание од метар и половина.
Германската влада претходно советуваше и да не се патува туристички и доколку не е неопходно во шпанските области Арагон, Каталонија и Навара, поради локално голем број на инфекции.
