Цените на нафтата на светскиот пазар денес се во пад како резултат на несигурноста во глобалното закрепнување за побарувачка на гориво, бидејќи бројот на луѓе заболени од COVID-19 расте во многу земји.
Во Лондон цената на суровата нафта „Brent“ од Северното Море беше помала за 11 центи или 0,3 проценти и сега е 43,26 долари за барел.
Во Њујорк цената на лесната сурова нафта падна за четири центи или 0,1 процент и изнесува 40,71 долар за барел.
Во Америка се регистрирани најмалку 75.000 нови случаи на коронавирусот, што е нов рекорд. Шпанија и Австралија пријавиле најголем дневен раст на заболени во последните два месеци, додека слична ситуација е во Индија и Бразил.
Растот на бројот на заболени од COVID-19 го забавува опоравувањето на потрошувачката на гориво по ублажувањето на блокадата во САД и другите земји.