Бидејќи претходно годинава беше претставен помоќниот „911 Turbo S“, сега публиката може да ја види и „обичната“ верзија на моделот „911“.
„Porsche“ на купувачите ќе им понуди купе и кабриолет верзии, а двата автомобили ќе имаат 6-цилиндарски 3.8 литарски твин-турбо „боксер“ мотор кој во „Porsche 911 Turbo“ испорачува 580 KS и 750 Nm.
Во однос на претходната генерација, возилото располага со дополнителни 32 коњски сили, додека максималниот вртежен момент е зголемен за 40 Nm.
Како и кај моделот „911 Turbo S“, моќта се пренесува на тркалата со помош на автоматски 8-брзински „PDK“ менувач со двојно квачило.
Новиот „Porsche 911 Turbo“ забрзува до „стотка“ за 2,8 секунди, што е за 0,2 секунди подобар резултат од претходната верзија. Максималната брзина остана иста и изнесува 320 km/h.
Купувачите покрај стандардната суспензија на располагање ќе ја имаат и изборната „PASM Sport“, а која дополнително го спушта возилото за 10 mm.
Како дополнителна опција може да се нарача и системот „Porsche Dynamic Chassis Control“ (PDCC), со технологија за спречување за превртување на возилото, како и спортски издувен систем.
Според информациите во автомобилот се поставени пневматици со димезии 255/35 R20 на предната оска, додека позади има 315/30 R21.
Управувањето на сите 4 тркала е стандарден дел од опремата на новиот „911 Turbo“, исто како и погонот на сите тркала.
Помеѓу опциите и подобрениот систем за сопирање со керамичко-композитни сопирачки.
Еден вака исклучителен спортски автомобил е придружуван со соодветна цена, па така „911 Turbo Coupe“ во Германија чини 180.811 eвра, додека кабриолет верзијата се продава по цена од 194.035 eвра.
