Секоја година во овој период се објавува презентацијата на металите и суровините за првото полугодие од годината, пишува „OilPrice.com“.
Скапоцените метали се голем победник за првите шест месеци од 2020-та година.
Златото додаде 17% на неговата цена од почетокот на годината, додека среброто порасна за скоро 2%.
Паладиумот е на третото место, но неговата цена падна за минимум 0,10%.
Минатата недела, златото го премина нивото на унца од 1.800 американски долари за прв пат од 2011 година и го достигна 9-годишното ниво од 1.828 долари во средата (8-ми јули).
Инвестициската банка „Goldman Sachs“ дури прогнозираше цена од 2.000 американски долари за унца во текот на следните 12 месеци.
Минатата недела среброто достигна цена од 19,37 долари за унца, што е малку под најголемата цена остварена во минатата година од 19,54 долари.
Како и да е, перформансите на останатите метали и суровини не се слични.
Бакарот и оловото паднале за 2,35% и 7,85%, соодветно, додека никелот паднал за 8,55% во првото полугодие од оваа година.
Сите други метали и суровини забележале пад од над 10%, заради затворање на многу фабрики ширум светот или нивно работење со намален капацитет.
Цинкот и алуминиумот изгубиле нешто повеќе од 10%, а платината, која се користи како паладиум во автомобилската индустрија, изгубила 14,19% од својата цена.
Природниот гас и јагленот паднале за 20 и 30%, но најголем губитник за првите шест месеци од годината беше нафтата, која падна за повеќе од 35%.
Потсетуваме дека во април, цената на лесната сурова нафта во САД дури достигна негативни вредности, како резултат на целосниот капацитет на резервите за нафта, како и поради намалената потрошувачка на гориво во последните месеци.
