Организаторите на настани и изложби во Велика Британија предупредуваа дека околу 30.000 работни места се изложени на ризик заради зголемена неизвесност за тоа кога саемите и изложбите можат да продолжат со работењето, соопшти индустријата во понеделникот.
Сојузот на индустрија за официјални настани (EIA), индустриско тело што го претставува секторот за настани во Велика Британија, соопшти дека на компаниите ќе им требаат најмалку осум до дванаесет недели за да ги рестартираат изложбите, повикувајќи ја владата да постави датум за продолжување на работењето, пренесува „Reuters“.
Епидемијата на коронавирусот и последователната блокада доведоа до масовно откажување и одложување на настаните за подоцна во оваа година или до 2021-ва година. Заканата од втор бран на Ковид-19 предизвика понатамошна неизвесност за продолжување на плановите ширум светот.
„Изложбениот сектор е клучен фактор во економската активност во скоро секој дел од економијата во Велика Британија, а неможноста да се обезбеди датум за повторно започнување со работење влијае на можноста на скоро 180.000 бизниси да закрепнат“, рече Крис Скит, извршен директор на Здружение на официјални организатори на настани.
Околу 60% од синџирите на снабдување во овој сектор нема да бидат во функција повторно во октомври, кога ќе заврши владината шема за поддршка на бизнисот, додаваат од „EIA“.
Министерството за финансии на Велика Британија соопшти дека потрошила повеќе од 25 милијарди фунти (30,72 милијарди долари) на програмата, која што поддржува 9,3 милиони работни места.
На почетокот од овој месец, Министерството исто така вети дополнителни 30 милијарди фунти за решавање на кризата со невработеноста преку канализирање пари на работодавците, сопствениците на куќи и хотелскиот сектор за зајакнување од опоравувањето.
Најголемиот организатор на изложби во светот, компанијата „Informa“, со седиште во Лондон, го одржа својот прв голем настан во Шангај овој месец.
Портпарол на компанијата изјави дека земји како Германија, Франција, Кина, делови од Соединетите држави и Австралија веќе биле отворени за трговски собири.
„Како и да е, ние веруваме дека е во интерес на сите за Велика Британија сериозно да го разгледа ова и да даде зелено светло и за трговските настани“, додаде тој.
Изложбената индустрија во Велика Британија поддржува 114.000 работни места, според „EIA“.
