Владата на САД во јуни го оствари најголемиот месечен буџетски дефицит во историјата, затоа што трошоците на програмата за борба против сузбивање на коронавирусот се зголемиле, а приходите од данок се намалиле, бидејки многу луѓе останаа без работа.
Министерството за финансии на САД соопшти дека дефицитот минатиот месец бил 864 милијарди долари и е најголем во историјата на оваа земја, додека во април дефицитот бил 738 милијарди долари.
Тој износ е поврзан и со парите кој Конгресот ги обезбедил за да се спречи зголемувањето на прекините на работни места во екот на пандемијата. За првите девет месеци вкупниот дефицит е 2,74 трилиони, што е исто така рекорд за таквиот период.
Со овие податоци, конгресниот буџетски одбор предвидува дека годишниот дефицит ќе достигне 3,7 трилиони долари.
Тој износ ќе го надмине претходниот најголем годишен дефицит од 2009 година, кој поради светската економска криза беше 1,4 трилиони долари.
