Од ноќеска на полноќ цените на горивата се зголемија за половина и за еден денар.
Малопродажните цени на бензинот ЕУРОСУПЕР БС-98 и на Екстра лесното масло за домаќинство (ЕЛ-1) се зголемија за 0,50 денари за литар и со тоа малопродажната цена на ЕУРОСУПЕР БС-98 изнесува 63,5 денари за литар, додека на Екстра лесното масло за домаќинство (ЕЛ-1) изнесува 53 денари за литар.
Малопродажните цени на бензинот ЕУРОСУПЕР БС-95 и на ЕУРОДИЗЕЛ (Д-Е V) се зголемија за еден денар на 61,5 односно 53,5 денари за литар.
Малопродажната цена на мазутот М-1 НС се зголеми за 0,605 денари и од денеска изнесува 26,585 денари за килограм.
