Делегација предводена од вицепремиерот и министер за финансии Зоран Ставрески, во рамки на посетата на Велика Британија, денеска ќе одржи презентација во Шефилд на која ќе бидат прикажани поволностите за инвестирање во Македонија пред тамошната бизнис заедница.
Владиниот економски тим во чиј состав се и министерот за привлекување странски инвестиции Веле Самак и директорот на Агенцијата за привлекување странски инвестиции Висар Фида вчера имаше презентација во Лидс, каде оствари и повеќе билатерални средби со компании.
Во рамки на посетата на Британија, инвестициските можности во земјава ќе бидат презентирани и пред компании во Лондон.
