Грчката влада во понеделникот вети дека ќе објави детален извештај за трошоците на својата кампања за запирање на коронавирусот “Остануваме дома”, со список на сите медиуми кои се вклучени во тоа.
Најавувајќи го објавувањето на списокот за време на закажаниот брифинг за медиумите, портпаролот на владата, Стелиос Петсас, истакнал дека медиумската кампања е дел од брзиот одговор на владата на пандемијата, која успеа да го „спречи ширењето, да ја зајакне здравствената служба и да спаси животи“.
„Итните и вонредни состојби го направија неопходното да се користат сите можни средства за да се информираат граѓаните“, изјави Петсас, додавајќи дека итноста на ситуацијата ги принудила надлежните органи да доделат тендери на изведувачи со потребните специјализирани знаења и вработените кои можат ефикасно да го спроведат проектот.
Објавувањето на списокот дојде како одговор на зголемените барања на опозицијата за детален извештај како биле доделени околу 20 милиони евра на медиумските куќи кои ја промовираат здравствената политика на владата.
