Компанијата NPC International, која само во САД има повеќе од 1.200 Pizza Hut и скоро 400 ресторани Wendy’s за брза храна, поднела барање за банкрот.
Американските медиуми, таа вест ја пренесоа со наслови “наскоро на менито на Pizza Hut и банкрот”.
“Невремето” од проблеми низ кое поминаа поради коронавирусот и долг од скоро милијарда долари, и се поголеми трошоци за работна сила и услуги, ја принудија NPC, за која работат скоро 40.000 луѓе во 27 држави, да поднесе барање за банкрот.
Таа е една од најголемите франшизи во САД, но и на глобално ниво, која поседува повеќе од 1.600 ресторани само во Америка, а со години се бореше да ги подигне деловните резултати.
