Сонер Чагаптај, директор на турската истражувачка програма во институтот за политика на блискиот исток во Вашингтон, објави на Twitter дека бруто домашниот производ на Истанбул е поголем од оној во Албанија, Бугарија, Босна и Херцеговина, Косово, Македонија, Србија, Хрватска и Црна Гора заедно.
Најголемиот турски град има БДП од 256 милијарди долари, а осумте балкански земји заедно имаат 253 милијарди долари.
Според Светската банка, БДП на Турција минатата година изнесувал 740 милијарди долари, а за илустрација, БДП на БиХ во 2018 година изнесувал 20,2 милијарди американски долари.
Истанбул има 15,5 милиони население, а наведените осум земји заедно 28,6 милиони.