Премиерот на Канада, Џастин Трудо, клекна на колена во знак на солидарност со демонстрантите на вчерашниот протест против расизмот што се одржа во Отава.
Опкружен со телохранители, Трудо клекнал додека демонстрантите барале крај на полициската бруталност и расистичкото постапување кон црнците и извикувале: „Ајде да му се спротиставиме на Трамп“.
Протестот во Отава е еден од неколкуте протести планирани во градовите низ Канада како солидарност со протестите во САД предизвикани од насилната смрт на невооружениот Афроамериканец Џорџ Флојд, кој беше убиен од полициски службеник во Минеаполис минатата недела.
