Грчкото министерство за внатрешни работи, заштита на граѓаните, труд и развој издаде упатства за организирање забави на плажи, за да не се загрозува здравјето на персоналот и посетителите, објави Ekatimerini.
Новите правила овозможуваат во баровите на плажите да се служат пијалоци, како кафе и сок од свежо овошје, како и спакувана храна на шалтерите и под чадорите.
Меѓутоа, во баровите нема да има музика и посетители, бидејќи целта е да се демотивира атмосферата на забава. Во исто време, забранети се организирани настани, како што се забави, како и групни спортови, одбојка и фудбал на песок.
Според новите правила, кои се дизајнирани да го спречат ширењето на коронавирусот, клубовите на плажа можат да сместат само 40 клиенти на 1.000 квадратни метри. Задолжително е растојанието помеѓу чадорите да биде најмалку 4 метри.
За прекршувањето на овие правила казната е помеѓу 5 и 25 илјади евра, а предвидена е и казна затвор од 15 до 20 дена.
