Шведската економија е на пат да забележи пад од седум проценти оваа година, што е во согласност со буџетската прогноза на владата, изјави министерката за економија, Магдалена Андерсон.
„Нашата најдобра прогноза во овој момент е негативниот раст на бруто домашниот производ од седум проценти оваа година“, изјави Андерсон.
Владата објавила две сценарија за буџетот. Во едното предвидува поблага економска контракција од околу четири проценти, а во другото поостар пад на бруто домашниот производ за десет проценти.
Андерсон изјави дека, според сегашните индикатори, Шведска е на добар пат да биде помеѓу тие две проценки.
