Грчката влада соопштила дека ќе постави камери во училниците во средните училишта кога повторно ќе почнат со работа следната недела за да следат дали се почитуваат мерките за социјално дистанцирање.
На ова остро се спротивставија синдикатите и опозициските партии, тврдејќи дека со тоа се нарушува приватноста.
Преносот во живо е легален под посебни околности, но видео материјалот не може да се снима или чува, објави AP.
Камерите во училниците ќе овозможат безбедна ротација на учениците кои одат на часови, како и нивно дистанцирање.
Меѓутоа, грчката главна левичарска опозициска партија Сириза го нарече поставувањето на камери во училиштата “сериозен ризик” за учениците и вети дека ќе го покрене тоа прашање во Европскиот парламент.
Родителите до четврток навечер мора да одлучат дали ќе им дозволат на своите деца да одат на часови или да продолжат да учат онлајн.
Училиштата се затворени од 11 март.