Италијанската влада ќе субвенционира набавка на нов велосипед или електричен скутер со 500 евра, објави министерката за сообраќај, Паола Де Микели.
Таа изјавила дека мерката ќе биде дел од стимулативниот пакет вреден 55 милијарди евра за покренување на економијата.
Субвенцијата ќе биде ограничена на градови со најмалку 50.000 жители и целта е да се стимулира “зелена мобилност” по укинувањето на мерките за сузбивање на пандемијата од коронавирусот.
Министерот изјави дека поради потребата од социјално растојание, кое ќе остане на сила, помал број луѓе ќе можат да се возат во автобуси и трамваи, што ќе ги присили да размислат за други форми на доаѓање на работа, како што е возење велосипед.
Поради тоа, владата планира и промени во означувањето на патиштата со цел да им се олесни на градските власти да создадат нови велосипедски патеки, изјави Де Микели.
