Кризата поради пандемијата од новиот коронавирус се повеќе се рефлектира на германскиот пазар на труд, покажува истражувањето на институтот IFO.
Компаниите од различни индустрии планираат на отпуштање на вработени и прекин на временски ограничени договори.
Во април, 58 проценти претприемачи од секторот гастрономија, 50 проценти хотели и 43 проценти туристички организации, како и 39 проценти фирми одлучија да го намалат бројот на вработени, наведува IFO.
Натпросечно голем број на откази очекуваат и вработените во компаниите кои изнајмуваат работна сила. Дури 57 проценти од таквите компании најавуваат откази.
Исто така, во 48 отсто компании кои се занимаваат со производство на кожа, кожна галантерија и чевли се најавува намалување на бројот на вработени.
Во просек, 18 проценти од компаниите во Германија веќе го намалија бројот на работни места.
Интересно е што повеќето компании ги укинуваат работните места во Баварија и Баден-Вуермберг, а најмалку во Сарленд и Рајнланд-Палатинат.