Турската валута денес падна на најниското ниво во историјата, а американскиот долар порасна во однос на лирата до ниво кое не е видено речиси две години.
Ова се случи откако банкарскиот регулатор во земјата одлучи да го ограничи пристапот на странските инвеститори за трансакции деноминирани во лира.
Валутата беше под зголемен притисок како резултат на растечката инфлација, зголемена невработеност и бавен раст.
Турција сега има најголем број на случаи на коронавирус во регионот на Блискиот исток.
Централната банка на Турција повлече милиони долари од своите девизни резерви за да купи лири и да ја поддржи вредноста на валутата спрема доларот, а во вторникот банкарскиот регулатор најави нови ограничувања за странците кои вршат трансакции со лири, во обид да ја спречат шпекулативната трговија.
Тој потег имаше негативен ефект: лирата падна во наредните два дена, доларот денес се зголеми на вредноста од 7,49 лири за време на утринското тргување во Лондон – што ја надмина рекордната ниска вредност на турската валута од 7.236 лири за долар во екот на валутната криза во август 2018 година.
„Се чини дека е само прашање на време пред разликата да продолжи да се зголемува“, изјави Бред Бечел, глобален шеф на FX во Jefferies LLC.
– Официјални лица со самодоверба се обраќаат на пазарот , но пазарот почнува да мисли “дека царот го нема” – додаде тој.
