Цената на северноморската нафта “Brent” порасна над 32 долари за барел за прв пат од 14 април, покажуваат податоците на берзата.
Според податоците, цената на јулските фјучерси на нафтата “Brent” порасна за 17,9 проценти на 32,06 долари за барел.
Јунските фјучерси за суровата нафта “VTI” пораснаа за 24,28 проценти – на 25,34 долари.
Криза на пазарот на нафта
На почетокот на март, котациите на нафтата потонаа среде значителен пад на побарувачката ширум светот, поради пандемијата од коронавирус, како и по неуспехот на договорот на ОПЕК плус, неговите учесници не можеа да се договорат за продолжување на договорот за намалување на производството.
Поради тоа, цените на нафтата се намалија повеќе од почетокот на годината и ги срушија рекордите од пред 18 години.
Последните неколку недели, котациите беа обновени пред новиот состанок на земјите од ОПЕК плус. На видео конференцијата на 12 април, земјите-членки на оваа организација се согласија да го намалат производството за 9,7 милиони барели на ден.
Новиот договор стапи во сила на 1 мај.
Меѓутоа, според аналитичарите од Меѓународната агенција за енергетика, договорот на ОПЕК плус не може да го надомести падот на побарувачката во светот, но може да доведе до почеток на намалување на залихите во втората половина од годината.
