Шведската активстка Грета Тунберг (17) започнува кампања со данска фондација со цел поддршка на UNICEF во борбата против коронавирусот.
Грета Тунберг започнува кампања за поддршка на децата и младите
Тунберг изјави дека „пандемијата од коронавирус, како и климатските промени влијае на правата на детето“, и оцени дека пандемијата ќе влијае на младите луѓе на долг рок, особено на најзагрозените.
Таа ги повика луѓето од цел свет „да застанат покрај неа и да се приклучат на кампањата за да бидат поддршка на UNICEF во основната задача за спасување на животите на децата, заштита на нивното здравје и продолжување на образованието“, изјави младата активистка која американскиот Times ја прогласи за личност на 2019 година.
Кампањата започнува со 100.000 американски долари од Грета Тунберг фондацијата и 100.000 од данската фондација за човекови права.
Целта на фондацијата Грета Тунберг досега беше „промовирање на еколошка и социјална одржливост, како и ментално здравје“. Основана е откако шведската тинејџерка минатата година доби награда од Рајт Лајвлихуд фондацијата, која се смета за алтернатива на Нобелова награда.