Складирањето на нафта во последните неколку недели е во сериозен застој. Цената е рекордно ниска, побарувачката никогаш помала, а поради недостаток на простор за чување на нафта се користат и лебдечки танкери.
Проблемите се јавуваат кога полните танкери се упатуваат кон финалната дестинација. Со оглед на тоа дека побарувачката за нафта е скоро никаква, своите полни резервоари тие едноставно немаат каде да ги стават.
Затоа се случуваат бизарни ситуации, како оваа која можете да ја видите во ова видео, а која овие денови се случи на брегот на Лос Анџелес. Десетици танкери буквално лебдеа пред брегот бидејќи немаа каде да ја достават нафтата.
