Постојат бројни анегдоти за еден од најголемите генијалци на сите времиња – Алберт Ајнштајн.
За почеток, Ајнштајн не можел да се справи со чистотата во својот работен простор. Еднаш дури и кажал: „Ако нередот на работниот стол е знак за неред во главата, што тогаш ви кажува празниот стол?!“.
Симпатична приказна за расеаноста на Ајнштајн
Современиците на Ајнштајн тврделе дека тој бил расеан. Запишана е приказна дека на едно патување со воз, безуспешно се трудел да го најде билетот и да му го покаже на кондуктерот.
Кондуктерот го убедувал дека нема потреба толку да бара, дека знае дека тој е г-дин Ајнштајн и дека е сигурен дека купил билет и продолжил понатаму да ги контролира патниците. По десет минути, се завртел и го видел Ајнштајн како лази по земјата и уште го бара билетот.
„Г-дине Ајнштајн, јас навистина знам кој сте и сигурен сум дека сте купиле билет. Нема потреба да се оптоварувате“, загрижено му рекол кондуктерот на физичарот.
„Млад човеку знам јас дека ти знаеш кој сум јас. Знам и јас кој сум, само морам да го најдам билетот затоа што незнам каде сум тргнал. Затоа ми треба билетот“, одговорил Ајнштајн и продолжил да го бара билетот.
Коментари