Германската влада на канцеларката Ангела Меркел одлучи да спровела нова програма за економска помош во вредност од 10 милијарди евра, која предвидува стимулации за оние кои привремено останале без работа.
Владата во средата на состанок кој траел доцна во ноќта соопшти дека паричните стимулации ќе бидат зголемени до крајот на годината за оние кои во текот на епидемијата од коронавирус привремено останале без работа.
Парична помош ќе добијат и оние кои се од претходно во бирото за вработување.
Владините коалициони партнери, после осум часови преговори одлучија и за натамошно намалување на даноците.
Данок на ДДВ во секторот гастрономија, кој е особено погоден од епидемијата од коронавирусот со затворање на рестораните и кафулињата, ќе биде намален од 1 јули од 19 проценти на 7 проценти.
Владата, исто така, парично ќе им помогне на семејствата кои на своите деца им обезбедиле компјутери за од далечина да ги следат часовите. Децата чии родители имаат помали приходи ќе добијат по 150 евра.
Помош од десет милијарди евра додаток е првата помош од 1.100 милијарди евра, која главно се состои од јавни гаранции за заеми на претпријатијата.
