Тоалетната хартија веќе не е проблем. Шпанските продавници се полни со нив. Наместо тоа, Шпанците панично купуваат вино, пиво, маслинки, чипс и чоколадо, или едноставно ги консумираат повеќе, објави dpa.
Тоа го покажуваат податоците од пазарот во време кога цела Шпанија е во изолација од 15 март.
Шпанците купиле 80 проценти повеќе пиво и 60 проценти повеќе вино во изминатата недела во однос на една недела порано, покажува извештајот на Inforetail.
Маслинките се чини дека се и попопуларни, и нивната продажба скокнала за 94 проценти.
Чипс од компир, чоколадо, сладолед и сардина исто така исчезнуваат од полиците и нивната продажба се зголемила од 76 до 87 проценти.
Шпанците кои инаку се дружат во кафулињата, баровите и други простории на отворено, сега направија сопствени домашни барови, објави шпанскиот весник El Pais.
Психологот Олга Кастаниер тие промени ги припишува на вознемиреноста предизвикана од епидемијата на вирусот и новите ограничувања на движењето.
“Кога сте под стрес, не јадете бифтек. Во таква ситуација, телото копнее по шеќери и маснотии”, вели Кастаниер за El Pais.
Признава дека ќе се сретне со пријатели преку Skype за да пијат пиво.