Ако носите наочари, еве како стаклата да не ви се замаглуваат поради маската

Многумина кои во последниве денови поради вирусот носат медицински маски, се соочуваат со проблем кој само наизглед изгледа нерешлив.

Имено, луѓето кои мораат да носат наочари откако ќе ја стават маската, поради здивот, стаклата се замаглуваат. Тоа им го отежнува движењето, па дури и кога се на улица, мора да ги тргнат наочарите и да го продолжат патот со замаглен вид.

Постои техника со која ќе можете тоа да го спречите да ви се случи во иднина. Непосредно пред да ја ставите маската, измијте ги наочарите со вода во која има малку течен сапун, протресете ги од сапуницата и оставете ги да се исушат или стаклата избришете ги со мека крпа. После ова не би требало да се замаглуваат кога ќе ја ставите маската.

Сепак, можеби би требало да го послушате советот на оние кои имаат долгогодишна навика за носење маска, а тоа се азијците. Тие ги ставаа превентивно и пред вирусот поради загадување на воздухот, алергии, настинки…

Искуството е огромно, па, да речеме, полицијата во Токио издала упатства како во исто време да се носат наочари и маска. Тоа подразбира два начина. Првиот е едноставно да ја преклопите горната четвртина од маската пред да ја ставите. Но, ако не сакате да ја “жртвувате” површината на маската, тогаш ставете друга – на горниот врв на маската, во пределот на коренот на носот ставете хартиено марамче.

Се разбира, во дрогериите и аптеките постојат спрејови кои можат да спречат замаглување на наочари, но со советите на јапонските експерти ќе заштедите и време и пари.