Француската влада ќе побара од компаниите во кои државата има удел да не исплаќаат дивиденди, најави денес министерката за труд Муриел Пенисуд, како дел од упатствата за спречување на последиците од епидемијата на коронавирус.
Синдикатите веќе ги повикаа сите француски компании да укинат исплата на дивиденди и наместо тоа да чуваат пари.
Владата денес, преку министерката Пенисуд, сигнализираше дека ги поддржува тие барања со оглед на тешките последици од епидемијата коронавирус во економијата.
„Од компаниите во кои државата има удел, па и малцински, ќе бараме да не исплаќаат дивиденди, барем не поединци“, изјави министерката.
Француската влада има удел во многу компании, вклучувајќи ги и производителот на автомобили Renault и енергетските групации како EDF и Engie, потсетува Reuters.
