Идната цена на сок од портокал се зголемила за повеќе од 20 проценти овој месец, бидејќи потрошувачите засилено бараат здрави производи во ова време на пандемија од коронавирус.
И додека побарувачката се зголемила, залихите паднале, бидејќи производителите имаат проблем со превезување стоки поради ограничувања во транспортот.
Од страната на понудата, постојат и проблеми со недостиг на работници, бидејќи плантажите воведуваат ограничувања како што е социјално дистанцирање.
Тоа го поттикна растот на таканаречената „идна“ цена на сокот од портокал, која покажува дека во наредните месеци цените на испорака ќе растат.
Терминската цена на сокот од портокал овој месец забележа најголем месечен скок од октомври 2015 година.
„Епидемијата COVID-19 ги погодила залихите и побарувачката за сок од портокал. Поради својствата за зајакнување на имунитетот побарувачката расте, додека од друга страна едноставно нема доволно простор во танкерите, сега кога авиокомпаниите не летаат да ги достават производите на пазарите“, изјави главниот стратег за глобалниот пазар на AxiCorp, Стивен Инес.
Говорејќи за тоа дали скокот на идните цени на сокот од портокал ќе значи и повисоки цени за сокот од портокал во продавниците, Инес изјави дека „ефектот од трансферот ќе биде брз бидејќи производителите на сок од портокал го пренесуваат растот на цените во супермаркетите и на другите клиенти“.
