29 март, 2024
ПочетнаЕКОНОМИЈАПекинг: Помпео ја жигосува Кина со инсистирање на името "Вухан вирус"

Пекинг: Помпео ја жигосува Кина со инсистирање на името “Вухан вирус”

Кина е изложена на силен притисок поради инсистирањето на американскиот државен секретар, Мајкл Помпео, новиот коронавирус кој предизвика глобална пандемија, да се нарече “Вухан вирус”, по кинескиот град каде што е откриен.

Портпаролот на кинеското Министерство за надворешни работи, Генг Шуанг, оцени дека станува збор за настојување Кина да се “жигоса” и да се дискредитира нејзиниот напор, а дека Помпео се обидува да привлече внимание и да ја префрли одговорноста.

„Тој има многу лоши намери“, изјави Генг на новинарите на дневниот брифинг.

Генг исто така ги бранеше напорите на Кина за спречување на вирусот и негираше дека ја презема одговорноста за епидемијата на друго место.

Кина е обвинета дека се обидувала да ги спречи информациите за епидемијата во текот на раните фази, а некои нејзини дипломати отворено сугерирале дека вирусот би можел да бил увезен во Кина од Соединетите Држави.

Повикот на Помпео за коронавирусот да се нарече “Вухан вирус” даден на виртуелен состанок на министрите за надворешни работи од Групата 7 од водечките индустриски земји, резултираше со нивна одлука да не се објавува заедничко соопштение.

Светската здравствена организација и други предупредуваат дека вирусот во името не треба да содржи географско потекло поради неговата глобална природа, па дури и претседателот Доналд Трамп се откажал од терминот кој ги користел – “кинески вирус” или “азиски вирус”, затоа што критичарите изјавија дека тие ја поттикнуваат дискриминацијата спрема Азијците и Американците со азиско потекло.

НАЈНОВИ ВЕСТИ

ХОРОСКОП